संगालोखबर 
विराटनगर । सभामुख देवराज घिमिरेले प्रहरी सङ्गठन सञ्चालन सम्बन्धी ऐन, कानुन बनाउन नसकिएको बताएका छन् ।
आज विराटनगर विमानस्थलमा सञ्चारकर्मीहरूसँगको कुराकानीमा घिमिरेले निजामती सेवा विधेयकमा ऐन बनाउन र प्रहरी सङ्गठन सञ्चालन सम्बन्धी ऐन, कानुन बनाउन नसकिएको बताएका हुन् ।
Advertisement
उनले सङ्घीयता कार्यान्वयन गर्न कानुनको अभाव रहेको समेत बताए । उनले कानुनलाई प्राथमिकता दिन खोजिए पनि संसद्को पछिल्लो अधिवेशनमा कानुन बनाउन नसकिएको उल्लेख गरे ।
उनले संविधान संशोधनका लागि राजनीतिक दलहरूबीचमा छलफल चलिरहेको समेत बताए । उनले भने, ‘संविधान संशोधन व्यक्ति, सङ्गठन र संस्था विशेषको कुरा होइन । सरसल्लाह, बहस र छलफल आवश्यक छ ।’
