संगालोखबर 
धनकुटा । विष खाँदा गम्भीर अवस्थामा पुगेका धनकुटाको पाख्रीवासका एक वृद्धको उपचारका क्रममा आज बिहान मृत्यु भएको छ । पाख्रीवास नगरपालिका–४ का ६० वर्षीय खेमबहादुर भण्डारीले गत आइतबार बिहान मेटासिट नामक विषादी खाएका थिए ।
Advertisement
उनलाई उपचारका लागि विराटनगरस्थित विराट नर्सिङ होम पुर्याइएको थियो । उपचारका क्रममा आज बिहान करिब ३ बजे भण्डारीको मृत्यु भएको भतिज गोविन्द भण्डारीले बताए । मृतकको शवलाई पोष्टमार्टमका लागि कोशी अस्पताल लगिएको छ ।
जबरजस्ती करणी घटनाको अनुसन्धानका लागि प्रहरीले उनलाई केही दिनअघि नियन्त्रणमा लिएर छोडेको थियो । सोही कारण तनावमा रहँदै आएका बेला उनले विष सेवन गरेको स्थानीयवासी बताउँछन् ।
