संगालोखबर 
धनकुटा । धनकुटाको सहिदभूमि गाउँपालिकाले अपाङ्गता भएका व्यक्तिहरूलाई परिचय पत्र वितरण गरेको छ । सहिदभूमि गाउँपालिका-१ स्थित धाप स्वास्थ्य चौकीमा सोमबार आयोजित एकीकृत घुम्ती शिविरमा अपाङ्गता भएका २० जनालाई परिचय पत्र वितरण गरिएको हो ।
शिविरमा ४ जना महिला र १६ जना पुरुषलाई स्वास्थ्य परीक्षणसँगै परिचय पत्र वितरण गरिएको गाउँपालिकाका स्वास्थ्य शाखा प्रमुख फकिर मोहम्मदले जानकारी दिए । उनीहरूलाई गाउँपालिकाका प्रमुख प्रशासकीय अधिकृत नविन कार्कीले परिचय पत्र वितरण गरेका थिए ।
Advertisement
यसअघि सञ्चालित घुम्ती शिविरमा छुटेकालाई लक्षित गरेर शिविरको आयोजना गरिएको उनले बताए । सरकारी तथा गैरसरकारी निकायहरूबाट प्रवाह हुने सेवासुविधा र अवसर प्राप्त गर्न सहज होस् भन्ने हेतुले परिचय पत्र वितरण गरिएको गाउँपालिकाले जनाएको छ ।
