बाढीपहिरोमा परी ७० जनाले ज्यान गुमाए, ५ जना बेपत्ता

विराटनगर । अविरल वर्षाका कारण आएको बाढी, पहिरो र डुबानमा परी देशका विभिन्न स्थानमा गरी ७० जनाले ज्यान गुमाएका छन् । मनसुन सुरु भएयताका घटनाहरुमा ८६ जना घाइते भएको प्रहरीले जनाएको छ । पाँचजना बेपत्ता भएका छन् ।

नेपाल प्रहरीको काठमाडौंस्थित मुख्यालयका अनुसार २४ घण्टायता मात्र बाढीपहिरोका कारण ५२ जनाभन्दा बढीको मृत्यु भएको छ । निरन्तरको वर्षाले काठमाडौंसहित गण्डकी र लुम्बिनी प्रदेशका विभिन्न जिल्लामा भएको बाढीपहिरोले जनधनको क्षति भएको हो ।

शुक्रबार रातिदेखि परेको अविरल बर्षाका कारण पाँच जना बेपत्ता भएका छन् । यसैगरी, हालसम्म ३३५ पशु चौपाया मरेको प्रहरीले जनाएको छ । बाढी र पहिरोका कारण पछिल्लो दुई दिनमा ९ करोड ५६ लाख ७४ हजार २ सय ५० रूपैयाँ क्षति भएको प्रहरीले जनाएको छ ।