एसईईको नतिजा आजै सार्वजनिक हुने

विराटनगर । माध्यमिक शिक्षा परीक्षा (एसईई) को नतिजा आज सार्वजनिक हुने भएको छ । राष्ट्रिय परीक्षा बोर्डले नतिजा सार्वजनिक गर्ने तयारी गरेको हो । यसअघि शुक्रबारभित्रै नतिजा प्रकाशन गर्ने तयारी गरेको बताएको बोर्डले कुनै प्राविधिक समस्या नआएमा आजै सार्वजनिक गर्ने जनाएको हो ।

कक्षा १० का परीक्षा नियन्त्रक नन्दलाल पौडेलका अनुसार कुनै समस्या नआए आज अपराह्नसम्म नतिजा प्रकाशित भइसक्ने छ । गत वर्षको एसईईको नतिजा असार २४ गते सार्वजनिक गरिएको थियो ।

यस वर्ष एसईईको नतिजा सैद्धान्तिक र प्रयोगात्मक फरक गरी सार्वजनिक गरिने भएको छ । यस वर्षको नतिजामा विद्यार्थीले सैद्धान्तिकतर्फ ७५ अङ्कको परीक्षामा ३५ प्रतिशत अर्थात् २७ अङ्क नल्याउनेलाई ननग्रेडेड (एनजी) उल्लेख गरिने जनाइएको छ ।

गत चैत १५ गतेदेखि सुरु भएको एसएईईमा नियमिततर्फ चार लाख ६७ हजार र ग्रेड वृद्धितर्फ २१ हजार परीक्षार्थी सहभागी भएका थिए ।