विराटनगरमा प्याब्सन कप फुटबलः सेन्टजोसेफ र गोदावरी विजयी

विराटनगर । तेस्रो संस्करणको प्याब्सन विराट कप फुटबल प्रतियोगितामा विराटनगरको गोदावरी स्कुल र सेन्ट जोसेफ स्कुल क्वाटरफाइनलमा पुगेका छन् । विराटनगरको सहिद मैदानमा भएको पहिलो खेलमा गोदावरी स्कुलले गौतम बुद्ध स्कुललाई ३–१ गोलले हराउँदै गोदावरी क्वाटरफाइनलमा पुगेको हो ।

गोदावरीका एजन राईले तीन गोल गरे । सान्त्वना गोलका रुपमा गौतमबुद्ध स्कुलका प्रसिद्ध कुँवरले एक गोल गरेका थिए । गोदावरीका एजन राई प्लेयर अफ द म्याच घोषित भए ।

यसैगरी, दोस्रो खेलमा सेन्ट जोसेफ स्कुलले स्टार स्कुललाई ३–० गोलले पराजित गर्यो । सेन्टजोसेफका निशान्त सिलवाल र प्रवेश गुरुङले गोल गरे । दोस्रो खेलको प्लेयर अफ द म्याच सेन्ट जोसेफका निसाद सिटौला घोषित भए । शनिबार पहिलो खेल ग्यालेक्सी र एभरेस्टबीच हुनेछ भने दोस्रो खेल मोडर्न एरा र सनसाईन स्कुलबीच हुनेछ ।