झापा । भारतबाट तस्करी गरेर ल्याइएको ३८ लाख रुपैयाँ बराबरको कपडा प्रहरीले बरामद गरेको छ । मेचीनगर नगरका दुई स्थानबाट प्रहरीले त्यति मूल्यको कपडा बरामद गरेको हो ।
Advertisement
सशस्त्र प्रहरी बल, १ नम्बर बराह बाहिनी सुनसरीबाट परिचालन भएको टोलीले विशेष सूचनाको आधारमा मेचीनगर–८ सालघारीबाट साढे २८ लाख तथा मेचीनगर–७ भान्साखोला क्षेत्रबाट १० लाखको कपडा बरामद गरेको हो ।
बरामद गरिएको कपडा मेची भन्सार कार्यालय काँकडभिट्टामा बुझाएको सशस्त्र प्रहरीले जनाएको छ । भारतबाट अवैध रुपमा कपडा तस्करी गर्ने क्रम बढेपछि प्रहरीले निगरानी बढाएको छ ।
भारतबाट तस्करी गरिएको कपडालगायत अन्य सामग्री झापाकै बिर्तामोडलगायत बजार, सुनसरीको इटहरी, काठमाडौ्ंलगायत स्थानसम्म लैजाने गरिएको पाइएको छ ।
