सप्तरीमा २ सयभन्दा बढी घरटहरा जले

सप्तरी । सप्तरीको महादेवा गाउँपालिका–१ मा भएको आगलागीमा परी बस्ती नै सखाप भएको छ । आगलागीमा परी कम्तीमा दुई सयवटा घरटहरा जलेको जनाइएको छ ।

Advertisement

आगो निभाउन तीनवटा दमकल प्रयोग गरी प्रहरी र स्थानीय बासिन्दा लागिरहेका छन् । हालसम्म नियन्त्रणमा आउन नसकेको जनाइएको छ ।

महादेवा गाउँपालिकाका वडाध्यक्ष जयकिशोर दासले दुई सयभन्दा बढी परिवार विस्थापित भएको जनाए ।

आगलागीबाट स्थानीय बासिन्दाको घरटहरासहित धनमाल, अन्नलगायत सामग्री नष्ट भएको छ । कतिपयले पालेका चौपाया पनि आगोमा जलेको जनाइएको छ । आगलागीबाट भएको क्षतिको विवरण आउन बाँकी रहेको प्रहरीले जनाएको छ ।