पोखरा । यती एयरलाइन्सको विमान पोखरामा दुर्घटना भएको छ । काठमाडौंबाट ६८ जना यात्रु र चालक दलका चार जना सदस्यसहित पोखराका लागि उडेको ९ एन एएनसी एटीआर ७२ विमान दुर्घटनामा परेको हो ।
Advertisement
बिहान साँढे १० बजे सो विमान काठमाडौंबाट उडेको थियो । क्याप्टेन कमल केसीले जहाज उडाएका थिए । विमानमा छ जना वालवालिका र ६२ जना वयस्क यात्रु सवार रहेको त्रिभुवन विमानस्थलले जनाएको छ ।
पोखरा अन्तर्राष्ट्रिय विमानस्थलमा अवतरण गर्ने क्रममा विमान दुर्घटनामा परेको हो । पुरानो एयरपोर्ट र नयाँ एयरपोर्टको बीचमा रहेको सेती खोचमा विमान खसेको छ ।
दुर्घटनास्थलमा आगो लागेको प्रत्यक्षदर्शीले बताएका छन् । अहिले दुर्घटनास्थलमा उद्धारको काम भइरहेको छ । विस्तृत विवरण आउँन वाँकी छ ।
भिडियो हेर्नुहोस्…
