- संगालोखबर सम्वाददाता
सांकेतिक तस्वीर

तेह्रथुम । तेह्रथुममा केही दिन यता पुनः कोरोना संक्रमण बढ्न थालेको छ । संक्रमण बढेपछि मेन्छ्यायेम गाउँपालिकाका २३ विद्यालय एक साताका लागि बन्द गरिएको छ । समुदायस्तरमा कोरोना संक्रमण देखिन थालेपछि न्यूनिकरणका लागि विद्यालय बन्द गर्ने निर्णय गरिएको मेन्छ्यायेम गाउँपालिकाले जनाएको छ ।

विद्यालयका शिक्षक तथा विद्यार्थीहरुमा संक्रमण फैलन थालेपछि गाउँपालिकाको शिक्षा शाखाले विद्यालय बन्द गर्न सिफारिस गरेको थियो । शाखाको सिफारिसमा गाउँपालिकाले पालिका क्षेत्रभित्रका २ निजी र २१ सामुदायिक विद्यालय बन्द गर्ने निर्णय गरेको हो । विद्यालयमा भौतिक उपस्थितिमा हुने पढाई बन्द भएपछि त्यहाँका झण्डै २ हजार विद्यार्थीको पढाई प्रभावित भएको छ ।

Advertisement

अहिले धेरै मानिसमा सुख्खा खोकी र ज्वरो देखिएको छ । लक्षण देखिएर स्वास्थ्य परीक्षणका लागि आएका ४० जनाको एन्टिजेन परीक्षण गर्दा २६ जनामा कोरोना संक्रमण पुष्टि भएको छ ।

सत्य, तथ्य र निष्पक्ष खबरका लागि संगालोखबरको फेसवुक पेज लाइक गर्नुस् ।
युटुब च्यानल सब्स्क्राइब गर्नुस् ।
Advertisement

तपाईको प्रतिक्रिया

error: Content is protected !!