विराटनगर । उदयपुर र सोलुखुम्बुका दुई छुट्टा–छुट्टै स्थानमा चट्याङ लाग्दा दुई जनाको मृत्यु भएको छ । मंगलवार बेलुका साढे ६ बजे उदयपुरको चौदण्डीगढी–५ का २५ बर्षीय रोशन चौधरी खेतमा काम गरेर घर फर्कदै गरेको अवस्थामा वर्षासँगै परेको चट्याङ लागेर घाइते भएका थिए ।
Advertisement
उनलाई उपचारका लागि ईलाका प्रहरी कार्यालय सुन्दरपुरको टोलीले स्थानीय फत्तेपुर अस्पताल पुर्याएको थियो । अस्पतालमा उपचारकै क्रममा उनको मृत्यु भएको हो ।
त्यस्तै चट्याङ लागेर सोलुखुम्बुको थुलुङ दुधकोशी–९ साउरेका एक बालकको मृत्यु भएको छ ।
मंगलवार बेलुका ७ बजे आमा पाकमाया तामाङसँगै मावली घर जाने क्रममा बर्षासँगै परेको चट्याङ लाग्दा ७ बर्षीय सुजनको घटनास्थलमै मृत्यु भएको जिल्ला प्रहरी कार्यालय सोलुखुम्बुले जनाएको छ ।
