ताप्लेजुङ । ताप्लेजुङको सिरीजङ्घा गाउँपालिका–७ खेवाङमा गएराती पहिरोले पुर्दा सासु बुहारीको मृत्यु भएको छ । बर्षासँगै राती करिब ११ बजे झरेको पहिरोमा पुरिदा सासु तुलसा अधिकारी र बुहारी यशोदा अधिकारीको मृत्यु भएको हो ।
पहिरोमा परेर बेपत्ता भएका उनीहरुको शव आज बिहान फेला परेको प्रहरीले जनाएको छ । पहिरोले अधिकारी परिवारका दुई वटा घर बगाएको छ । यसोदाका श्रीमान बिष्णु अधिकारीले भागेर ज्यान जोगाएका छन् ।
Advertisement
ताप्लेजुङमा अत्यधिक बर्षा भएको छ । जसका कारण जिल्लाका धेरै ठाउँमा पहिरो झरेको छ ।
