काठमाडौं । काठमाडौं महानगरपालिका–९ स्थित गैरीगाउँ सुकुम्बासी बस्तीमा मंगलवार निःशुल्क स्वास्थ्य शिविर सञ्चालन गरिएको छ । काठमाडौंको सिनामंगलस्थित काठमाडौं मेडिकल कलेज र स्थानीय लोयला सेकेन्डरी स्कूलको सहकार्यमा एकदिने शिविर सञ्चालन गरिएको हो ।
Advertisement
लोयला स्कूलमा सञ्चालन गरिएको शिविरमा केएमसीका डाक्टरहरुले ७५३ जनाको निःशुल्क स्वास्थ्य परीक्षण गरेका छन् । जसमध्ये १८९ जनाको भिडियो एक्सरे, १७८ जनाको रक्त परीक्षण र १२७ जनाको ईसीजी गरिएको केएमसीका जेनेरल मेनेजर नारायण दाहालले जानकारी दिए । त्यस्तै दाँतको समस्या भएर शिविरमा आएका ३७ जनाको दाँत खोलिएको छ भने शिविरमा उपचार सम्भव नभएका २२ जनालाई अप्रेशनका लागि अस्पताल रेफर गरिएको आयोजकले जनाएको छ ।
केएमसी अध्यक्षको रुपमा डा.सुनिल शर्माको प्रवेश भएसँगै गतबर्षदेखि केएमसीले विभिन्न जिल्लामा स्वास्थ्य शिविर सञ्चालन गरेर हजारौं बिरामीको निःशुल्क उपचार गरिरहेको छ ।
