तेह्रथुम । जिल्ला प्रहरी कार्यालय तेह्रथुम परिसरमा रहेको नागरिक सहायता कक्ष भवनको आज उद्घाटन गरिएको छ । बिहान एक कार्यक्रमका बिच १ नम्बर प्रदेश प्रहरी कार्यालयका प्रमुख प्रहरी नायव महानिरीक्षक अरुण कुमार बि.सी.ले नवनिर्मित नागरिक सहायता कक्ष भवनको उद्घाटन गरेका हुन् ।
Advertisement
उद्घाटन कार्यक्रममा बोल्दै प्रहरी नायव महानिरीक्षक बि.सी.ले गाँस, बासको उचित व्यवस्था भएसँगै प्रहरी कर्मचारीहरुमा काम गर्ने थप हौसला मिल्ने बताए । उनले अब आउने स्थानीय निर्वाचन त्रुटिरहित सम्पन्न गराउनका लागि तयार हुन र जिल्लाको शान्ति सुरक्षामा विशेष ध्यान प्रहरीहरुलाई निर्देशनसमेत दिएका छन् ।
