धनकुटा । धनकुटा नगरपालिका–७ मदनचौकबाट शनिवार दिउँसो लागुऔषधसहित एक युवा पक्राउ परेका छन् । धरान उपमहानगरपालिका–१९ का २३ बर्षीय भीमराज लिम्बूलाई दिउँसो करिब २ बजे प्रहरीले लागुऔषधसहित पक्राउ गरेको हो ।
लिम्बूको साथबाट लागुऔषध एभिल ४४ पिस, लुप्रिकजेसिज ३८ पिस, डाइजोल्याप ४७ पिस र लागुऔषध प्रयोग गर्ने ४ वटा सुई बरामद भएको प्रहरीले जनाएको छ ।
Advertisement
पैदल हिडिरहेको अवस्थामा खानतलासी गर्दा लागुऔषध बरामद भएकाले लिम्बूलाई पक्राउ गरिएको धनकुटाका प्रहरी प्रवक्ता डिएसपी सन्तुलाल जैसवालले जानकारी दिए । ‘झोलामा लागुऔषध बोकेर हिड्दै गरेको अवस्थामा भेटेर पक्राउ गरेका छौं,’ डिएसपी जैसवालले संगालोखबरसँग भने,‘लागुऔषध कहाँ लैजादै गरेको भन्ने खुल्न वाँकी छ, थप अनुसन्धान थालेका छौं ।’
धरानबाट लागुऔषध बिक्रिका लागि भीमराज धनकुटा आएको हुनसक्ने प्रहरीको अनुमान छ । उनको कारोवारका विषयमा प्रहरीले अनुसन्धान थालेको छ । यसैबीच भीमराज पक्राउ परेको केही समयपछि मदनचौकबाट एक टेम्पु चालकलाई पनि प्रहरीले नियन्त्रणमा लिएको स्थानीयबासीले जनाएका छन् ।
भिडियो हेर्नुहोस्…
