सोलुखुम्बु । सोलुखुम्बुको थुलुङ दुधकोशी गाउँपालिका–७ मा छिमेकीको कुटाइबाट एक जनाको मृत्यु भएको छ । स्थानीय ४६ बर्षीय शन्तुराज राईले कुटपिट गर्दा ६३ बर्षीय बीरबहादुर राईको मृत्यु भएको हो ।
घटना बैशाख १० गते राती १० बजेको हो । सामान्य घरायशी विवादमा शन्तुराजले बीरबहादुरलाई कुटपिट गरेका थिए । कुटपिटबाट घाइते भएका बीरबहादुरलाई उपचारका लागि काठमाडौंको वाँसवारीस्थित न्यूरो अस्पताल पुर्याइयो ।
Advertisement
उपचारका क्रममा बिहिबार बेलुका उनको मृत्यु भएको प्रहरीले जनाएको छ । कुटपिटमा संम्लग्न शन्तुराजलाई प्रहरीले नियन्त्रणमा लिएर कारवाही प्रकृया अघि बढाइएको जिल्ला प्रहरी कार्यालय सोलुखुम्बुले जनाएको छ ।
