काठमाडौं । कोरोना संक्रमणका कारण थप एक जनाको मृत्यु भएको बिहिबार पुष्टि भएको छ । पाल्पाका ४५ बर्षीय पुरुषको कोरोना संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको हो ।
भारतबाट ५ दिन अघि आएका उनी स्थानीय क्वारेनटाईनमा थिए । श्वासप्रश्वासमा समस्या भएपछि मिसन अस्पतालमा उपचारका क्रममा मंगलबार उनको मृत्यु भएको होे । उनको स्वाब परीक्षण गर्दा कोरोना संक्रमण पाईएको स्वास्थ्य मन्त्रालयका प्रवक्ता डा.विकास देवकोटाले जानकारी दिए ।
Advertisement
योसँगै नेपालमा कोरोना संक्रमणबाट मृत्यु हुँनेको संख्या १० पुगेको छ । बिहिबार साँझसम्म नेपालमा कोरोना संक्रमितको संख्या २६३४ पुगेको छ ।
