काठमाडौं । शनिवार बिहान थप ३२ जनामा कोरोना संक्रमण पुष्टि भएको छ । कपिलबस्तु, सर्लाही, बारा, काठमाडौं, रुपन्देही र चितवनमा कोरोना संक्रमित थपिएका हुन् ।
सर्लाहीका १३ जना, कपिलबस्तुका ८ जना र रुपन्देहीका ८ जनामा संक्रमण पत्ता लागेको छ । त्यस्तै काठमाडौं, बारा र चितवनका एक/एक जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना संक्रमितको संख्या ५४८ पुगेको छ । जसमध्ये ७० जना निको भएका छन् ।