धनुकटा, १२ असार । धनकुटाको साँघुरीगढी गाउँपालिका र धनकुटा नगरपालिकामा अज्ञात समुहले बम बिस्फोट गराएको छ । साँघुरीगढी गाउँपालिका–६ स्थित कोलबोटेमा सोमबार राति करिव ८ बजे सिलिण्डर बम बिस्फोट भएको प्रहरीले जनाएको छ ।
यता धनकुटा नगरपालिका–६ मा पनि आईतबार राति बम बिस्फोट गराईएको थियो । सल्लेरीको आँखा अस्पतालमा रहेको निर्वाचन केन्द्र नजिक आईतबार राति करिव १० बजे बम बिस्फोट गराईएको हो ।
Advertisement
निर्वाचन केन्द्रबाट करिव २ सय मिटर उत्तर पश्चिममा बिस्फोट भएको थियो । घटनास्थलमा सिलिण्डरको खवटाहरु भेटिएकाले सिलिण्डर बम बिस्फोट गराईएको हुनसक्ने श्रीमेहर गणका गणपती बासुदेव धिमालले जानकारी दिए ।
दुवै स्थानमा भएका विस्फोटबाट मानविय क्षति भने भएको छैन । बिस्फोटको ठुलो आवाज आएपछि सर्वसाधरणहरु त्रसित भएका छन । बिस्फोट गराउँनेको खोजी भईरहेको जिल्ला प्रहरी कार्यालय धनकुटाले जनाएको छ ।
धनकुटाको सल्लेरीमा भएको बिष्फोटको भिडियो हेर्नुहोस् …
यो पनि पढ्नुहोस्…
