थप दुई जनामा कोरोना संक्रमण पुष्टि, संक्रमितको संख्या २४५ पुग्यो

काठमाडौं । बिहिबार बिहान दुई जना कोरोना संक्रमित थपिएका छन् । राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा काठमाडौं र कपिलबस्तुका दुई जनामा कोरोना पोजिटिभ भेटिएको स्वास्थ्य तथा जनसंख्या मन्त्रालयले जनाएको छ ।

Advertisement

काठमाडौं चन्द्रागिरीका ३२ बर्षीय पुरुष र कपिलबस्तुका ६ बर्षीया बालिकामा कोरोना संक्रमण पुष्टि भएको स्वास्थ्य मन्त्रालयका सह–प्रवक्ता डा.समिरकुमार अधिकारीले जनाएका छन् ।

योसँगै नेपालमा कोरोना संक्रमितको संख्या २४५ पुगेका छन् । जसमध्ये ३५ जना निको भएर अस्पतालबाट घर फर्किएका छन् ।

Update News…

कोरोना संक्रमितको संख्या २५० पुग्यो