संगालोखबर संवाददाता 
मोरङ । मोरङको सिजुवाका एक ब्यक्तिले धारिलो हतियार प्रहार गरी आफ्नै श्रीमतिको हत्या गरेका छन ।
Advertisement
सिजुवा–६ मुसहर बस्तीका उदय सुतिहारले मादक पदार्थ सेवन गरी आफ्नै पत्नी २५ बर्षीया शान्ता सुतिहारलाई बसिला (काठ ताछ्ने हतियार) ले हानेर हत्या गरेको प्रहरीले जनाएको छ ।
श्रीमान श्रीमतिवीच घरायसी वाद विवाद हुँदा उदयले शान्तामाथी बसिला प्रहार गरेको स्थानीयको भनाई छ । गम्भीर घाइते शान्ताको रंगेली अस्पतालमा उपचारका क्रममा मृत्यु भएको हो ।
बसिलाले हानेपछि उदयले पनि बिषादी सेवन गरेका थिए । उनको कोशी अञ्चल अस्पतालमा उपचार भइरहेको पूर्व क्षेत्रीय प्रहरी कार्यालयले जनाएको छ ।
