पाँच दिनदेखि बेपत्ता कार्की तमोर नदी किनारमा मृत भेटिए

धनकुटा। पाँच दिन देखि बेपत्ता भएका धनकुटा नगरपालिका–९ मुलघाटका लोकबहादुर कार्की सोमवार मृत अवस्थामा भेटिएका छन । साँझ करिव ५ बजे साँघुरीगढी गाउँपालिका–७ स्थित तमोर नदी किनारमा कार्कीको शव फेला परेको हो ।

कुहिन लागेको अवस्थामा नदि किनारमा कार्कीको शव भेटिएको धनकुटाका प्रहरी नायव निरीक्षक यदुकुमार कार्कीले जानकारी दिए । मृतकको शवलाई पोष्टमार्टमका लागि धनकुटा अस्पताल ल्याईएको छ ।

कार्की बेपत्ता भएपछि उनका अफन्तले प्रहरीमा जाहेरी दिएका थिए । जाहेरी पश्चात प्रहरीले हुलियासहित खोजी गरिरहेका वेला नदी किनारमा उनको शव फेला परेको हो ।

यो पनि पढ्नुहोस् >>>