धनकुटा, २८ कात्तिक । छोराको मृत्यु भएपछि तमोर नदीमा हामफालेकी एक बृद्धालाई मंगलबार सकुसल उद्धार गरिएको छ ।
आत्माहत्या गर्न नदीमा हामफाल्ने साँगुरीगढी गाउँपालिका–१ लावरबोटेकी ६५ बर्षीया हिरामाया राईलाई शसस्त्र प्रहरी, नेपाल प्रहरी र स्थानीयबासीले नदीबाट सकुसल उद्धार गरेका हुन ।
Advertisement
जण्डिस लगायत रोगबाट पीडित ४३ बर्षीय सुवास राईको सोमबार निधन भएको थियो । उनको शवलाई दाहसस्कारका लागि मंगलबार मुलघाट स्थित तमोर नदी किनारमा लगिएको थियो ।
त्यही वेला मृतक राईकी आमा हिरामायाले छोराको मृत्युको वेदना सहन नसकी नदीमा हामफालेको बताईएको छ । नदीमा हामफालेपछि उनलाई तत्काल शसस्त्र प्रहरी, नेपाल प्रहरी र स्थानीयले नदीबाट उद्धार गरेर निकालेका हुन ।
नदीले बगाएर करिव एक सय मिटर तल पुर्याएको अवस्थामा उनलाई उद्धार गरिएको थियो ।
नदीले बगाउँदै गर्दा ढुंगामा अड्किएपछि तत्काल उद्धार गर्न सहज भएको मुलघाटका शसस्त्र प्रहरी निरीक्षक खड्ग बहादुर बस्नेतले संगालोखबरलाई बताएका छन ।
‘नदीबाट निकालेपछि पनि उनी छोरो पनि मर्यो म पनि मर्छु भन्दै नदीमा पस्न खोज्दै थिईन ।’ बस्नेतले संगालोकर्मीसँग भने ‘हामीले सम्झाई बुझाई गरेर आफन्तको जिम्मा लगाएर पठाएका छौ ।’
