संगालोखबर 
विराटनगर । मोरङको बेलबारीस्थित एक पेट्रोल पम्पमा तेल हालेर स्टार्ट गर्ने क्रममा आगलागी भएको मोटरसाइकल आजै निकालेको पाइएको छ । प्रहरीका अनुसार रिकन्डिसन हाउसबाट आजै निकालेर लैजाने क्रममा पेट्रोल पम्पमा तेल हालेर स्टार्ट गर्दा आगलागी भएको हो ।
आज दिउँसो को ३८ प ७२४० नम्बरको मोटरसाइकलमा आगलागी भएको इलाका प्रहरी कार्यालय बेलबारीले जनाएको छ । प्रहरीका अनुसार मोरङको लेटाङ नगरपालिका-१ का शुक्रराज राईको मोटरसाइकल जलेको हो ।
Advertisement
आगलागी भएको केही समयमा नै स्थानीयको सहयोगमा प्रहरीले आगो नियन्त्रणमा लिएको थियो । आगलागीबाट मोटरसाइकलको पछाडिको भाग पूर्णरूपमा क्षति पुगेको छ । प्रहरीका अनुसार आगलागीबाट अन्य क्षति भएको छैन ।
