आज छुट्दैछन् रास्वपा सभापति रवि लामिछाने

विराटनगर । राष्ट्रिय स्वतन्त्र पार्टी (रास्वपा) का सभापति रवि लामिछाने आज कारागारमुक्त हुने भएका छन् । उच्च अदालत तुलसीपुरको बुटवल इजलासले लामिछानेलाई सुप्रिम सहकारी ठगी मुद्दामा बिगोबापतको धरौटी बुझाएर थुनामुक्त गर्न आदेश दिएपछि उनी छुट्ने भएका हुन् ।

अदालतको आदेशका बाबजुद छुट पुर्जी नभएकाले उनी बिहीबार नै कारागारमुक्त हुन सकेनन् । लामिछानेले भैरहवाबाट छुट पुर्जी लिएपछि मात्रै थुनामुक्त हुन पाउनेछन् ।

न्यायाधीशहरू बासुदेव आचार्य र तेजनारायण पौडेलको इजलासले सुप्रिम सहकारीको ठगी मुद्दामा लामिछानेलाई धरौटीमा छाड्न आदेश गरेको हो । इजलासले लामिछानेलाई छाड्न आदेश गर्दा पाँचवटा सर्त पनि राखेको छ ।