संगालोखबर 
काठमाडौं । नेकपा एमालेको ११ औं महाधिवेशनअन्तर्गत नयाँ नेतृत्व चयनका लागि मतदान सुरु भएको छ । अध्यक्षका उम्मेदवार केपी शर्मा ओली र ईश्वर पोखरेलले मत हालेर मतदान सुरु गरेका हुन् ।
ओलीले ७७ नम्बरको मेसिनबाट भोट हालेका हुन् भने पोखरेलले ७६ नम्बरको मेसिनबाट भोट हालेका छन् । मंगलबार साँझबाट हुने भनिएको मतदान प्रक्रिया प्राविधिक समस्याका कारण आज बिहानका लागि सारिएको थियो ।
Advertisement
आज बिहान ८ बजेदेखि मतदान हुने भनिए पनि भृकुटीमण्डपमा केही ढिला गरी सुरु भएको छ । प्रतिनिधिहरू बिहानैदेखि मतदानका लागि लाइनमा बसेका छन् ।
मतदानको लागि ८० वटा विद्युतीय मेसिन राखिएको छ । मतदान गर्न एक जनालाई ४० मिनेटसम्म समय लाग्ने जनाइएको छ ।
