धरानका मेयर हर्क साङपाङले दल दर्ताका लागि आयोग पुगेर गरे सनाखत

काठमाडौं । धरान उपमहानगरपालिकाका मेयर हर्क साङपाङले निर्वाचन आयोगमा पुगेर दल दर्ताका लागि सनाखत गरेका छन् । साङपाङले आज बिहान आयोगमा पुगेर दल दर्ता प्रक्रियाका लागि सनाखत गरेका हुन् ।

यसअघि श्रम संस्कृति पार्टी दर्ताका लागि आयोगमा निवेदन पेश भएकोमा आयोगले सनाखत गर्न बोलाएपछि साङपाङ पुगेका हुन् । आयोजक अनुसार उक्त पार्टीका पदाधिकारी तथा केन्द्रीय समितिका सदस्यले दल दर्ता प्रक्रियाका लागि सनाखत गरिरहेका छन् ।

केन्द्रीय समितिका पदाधिकारी तथा सदस्यले आयोगमा पुगेर सनाखत गरे पनि साधारण सदस्यलाई सनाखत गर्नका लागि भने सम्बन्धित जिल्ला निर्वाचन कार्यालयमा विवरण पठाइएको छ ।

उनीहरूले सम्बन्धित जिल्ला निर्वाचन कार्यालयमा पुगेर सनाखत गर्नेछन् । त्यसपछि आयोगको बैठक बसेर दल दर्ता गर्ने निर्णय गर्नेछ ।