सुनको मूल्य हालसम्मकै उच्च, कति पुग्यो तोलामा ?

विराटनगर । नेपाली बजारमा आज पनि सुनको मूल्य बढेको छ । नेपाल सुनचाँदी व्यवसायी महासङ्घका अनुसार आज सुन प्रतितोला दुई हजार चार सय रुपैयाँले वृद्धि भएको हो ।

महासङ्घका अनुसार आज सुन प्रतितोला दुई लाख ४० हजार चार सय रुपैयाँमा कारोबार भइरहेको छ । आइतबार प्रतितोला तीन हजार रुपैयाँले बढेर सुन दुई लाख ३८ हजार रुपैयाँमा कारोबार भएको थियो ।

Advertisement

आज चाँदीको मूल्य पनि बढेको छ । आज चाँदी प्रतितोला तीन हजार दुई सय २० रुपैयाँमा कारोबार भइरहेको छ । आइतबार चाँदी प्रतितोला तीन हजार एक सय २५ रुपैयाँमा कारोबार भएको थियो ।