संगालोखबर 
काठमाडौं । नवनियुक्त प्रहरी महानिरीक्षक चन्द्र कुबेर खापुङलाई दर्ज्यानी चिह्न प्रदान गरिएको छ । आज गृह मन्त्रालयमा आयोजित कार्यक्रममा गृहसचिव गोकर्णमणि दुवाडीले नवनियुक्त आईजीपी खापुङलाई दर्ज्यानी प्रदान गरेका हुन् ।
भदौ १३ को मन्त्रिपरिषद् बैठकले खापुङलाई आईजीपीमा नियुक्ति गरेको थियो । आईजीपी दीपक थापा ३० वर्षे सेवा अवधिबाट अवकासमा जाने भएपछि खापुङलाई आजबाट लागुहुनेगरि प्रहरी प्रमुखमा नियुक्त गरिएको थियो ।
Advertisement
नवनियुक्त आईजीपी खापुङले प्राप्त जिम्मेवारीलाई निष्ठापूर्ण रूपमा निर्वाह गर्ने प्रतिवद्धता जनाए । खापुङले पदभार ग्रहण गरिसकेका छन् । २०५२ कात्तिक २७ मा निरीक्षकबाट सेवा प्रवेश गरेका खापुङ ३० वर्षे सेवा अवधिका कारण २०८२ कात्तिक २७ मा अवकासमा जाने छन् ।
