संगालोखबर 
विराटनगर । पूर्वराष्ट्रपति विद्यादेवी भण्डारी विराटनगर आइपुगेकी छन् । भोलिदेखि सुरु हुने उपप्रमुखहरूको राष्ट्रिय सम्मेलनमा सहभागि हुन भण्डारी विराटनगर आएकी हुन् ।
उपप्रमुखहरूको सम्मेलन बाहेक पूर्वराष्ट्रपति भण्डारी कोशी प्रदेशका अन्य कार्यक्रममा पनि सहभागि हुने उनको सचिवालयले जनाएको छ ।
Advertisement
एमाले कोशी प्रदेश विज्ञान तथा प्रविधि विभागले झापाको बिर्तामोडमा जेठ २४ गते आयोजना गर्ने प्रदेश स्तरीय विज्ञान तथा प्रविधि प्रदर्शनीमा पनि भण्डारी सहभागि हुनेछिन् ।
सचिवालयका अनुसार अनौपचारिक रूपमा विभिन्न क्षेत्रका व्यक्तिहरूसँग भेटघाट गर्ने कार्यक्रम पनि तय भएको छ ।
