कोशी प्रदेश सभाको बर्खे अधिवेशन आह्वान

विराटनगर । कोशी प्रदेश सभाको सातौँ अधिवेशन आह्वान भएको छ । आज बसेको मन्त्रिपरिषद् बैठकले प्रदेश सभाको बर्खे अधिवेशन आगामी जेठ ४ गते २ बजे बस्ने गरी आव्हान गर्नका लागि प्रदेश प्रमुख समक्ष सिफारिस गर्ने निर्णय गरेको हो ।

प्रदेश प्रमुख परशुराम खापुङ समक्ष बैठक आह्वानको लागि सिफारिस गरिएको आन्तरिक मामिला तथा कानुन मन्त्री रेवती रमण भण्डारीले जानकारी दिए ।

यस्तै बैठकले स्थानीय सरकार सेवा (गठन तथा सञ्चालन) नियमावली उपर प्रदेश लोकसेवा आयोगको परामर्श माग गर्ने तथा कोशी गाउँपालिका सुनसरीको केन्द्र हेरफेर गर्न नेपाल सरकारलाई सिफारिस गर्ने निर्णय समेत गरेको छ ।

यसैगरी कारखाना तथा वर्कसप सञ्चालन निर्देशिका-२०८२ स्वीकृत गर्ने निर्णय गरेको छ । यस्तै बैठकले वैशाख १८ र १९ गते सम्पन्न प्रदेश लगानी सम्मेलन भव्यतापूर्वक सफल बनाउने कार्यमा योगदान दिनेलाई धन्यवाद दिने प्रस्ताव पास गरेको मन्त्री भण्डारीले जानकारी दिए ।