संगालोखबर 
विराटनगर । सुनसरीको इटहरीबाट भैरहवा जाँदै गरेको बस मकवानपुरमा दुर्घटना भएको छ । प्रहरीका अनुसार दुर्घटनामा १६ जना घाइते भएका छन् ।
इटहरीबाट भैरहवा जाँदै गरेको लु २ ख ५९९ नम्बरको बस आज बिहान करिब ४ः५० बजे मकवानपुरको मनहरी गाउँपालिका-६ सुनाचुरीस्थित पूर्व-पश्चिम सडक खण्डमा दुर्घटना भएको हो ।
Advertisement
जिल्ला प्रहरी कार्यालय मकवानपुरका अनुसार बस सडकबाट अन्दाजी १० मिटर तल खसेको छ । घाइतेहरूको भरतपुर अस्पतालमा उपचार भइरहेको प्रहरीको भनाइ छ । प्रहरीका अनुसार घाइतेहरूको अवस्था मध्यम छ ।
चालक बाराको कोल्हवी नगरपालिका-११ का २९ वर्षीय राकेश चौधरीलाई प्रहरीले नियन्त्रणमा लिएर प्रहरीले अनुसन्धान सुरु गरेको छ ।
