आज पनि सुनकाे मूल्यमा नयाँ रेकर्ड, कति पुग्याे ताेलामा ?

विराटनगर । सुनकाे मूल्य हालसम्मकै उच्च विन्दुमा पुगेकाे छ । आइतबार प्रतिताेला छ सय रुपैयाँ बढेर नयाँ रेकर्ड बनाएकाे सुनकाे मूल्यले आज एक हजार एक सय रुपैयाँ बढेर पुनः नयाँ रेकर्ड कायम गरेकाे हाे ।

Advertisement

नेपाल सुनचाँदी व्यवसायी महासंघका अनुसार आज सुन प्रतितोला एक लाख ७७ हजार नौ सय रुपैयाँमा काराेबार भइरहेको छ । आइतबार सुन प्रतितोला एक लाख ७६ हजार आठ सय रुपैयाँमा कारोबार भएको थियो।

आज चाँदीको मूल्य पनि बढेको छ । आइतबार प्रतितोला एक हजार नौ सय २५ रुपैयाँमा कारोबार भएको चाँदी सोमबार प्रतितोला एक हजार नौ सय ३५ रुपैयाँमा काराेबार भइरहेको छ।