पाँचथरमा एक पुरुष मृत फेला

पाँचथर । पाँचथर सदरमुकाम फिदिममा एक पुरुष मृत फेला परेका छन् । फिदिम नगरपालिका-८ रानिटारका ६८ वर्षीय लक्षुमण मुखिया आज फिदिम स्थित बुद्धमार्गमा मृत भेटिएका हुन् ।

प्रहरीका अनुसार उनी फिदिम-१ बुद्धमार्गमा बस्दै आएको खुलेको छ । आज बिहान उनी घर अगाडिको सडकमा मृत भेटिएका जिल्ला प्रहरी कार्यालय पाँचथरका सूचना अधिकारी प्रहरी निरीक्षक बिनालाल साहले जानकारी दिए ।

उनको शव जिल्ला अस्पताल पाँचथरको शवगृहमा पोष्टमार्टमको लागी राखिएको साहले बताए । मृत्युको कारण खुल्न बाँकी रहेको र घटनाका सम्बन्धमा थप अनुसन्धान थालिएको प्रहरी निरीक्षक साहले जानकारी दिए ।