स्रोत नखुलेको ६८ लाखसहित चार जना पक्राउ

विराटनगर । काठमाडौंबाट श्रोत नखुलेको ६८ लाख रुपैयाँसहित चार जना पक्राउ परेका छन् । काठमाडौं महानगरपालिका-९ सिनामंगलबाट गएराति प्रहरीले उनीहरूलाई नियन्त्रणमा लिएको हो ।

पक्राउ पर्नेहरूमा काठमाडौं महानगरपालिका-३२ दोभानपुल बस्ने ४६ वर्षीय राज कुमार माली र सोही महानगरपालिका-१० नयाँ बानेश्वर बस्ने १८ वर्षीय किशोर छन् ।

यस्तै सोही महानगरपालिका-७ शान्तिगोरेटो बस्ने झापा अर्जुनधारा नगरपालिका-७ घर भएका ३२ वर्षीय प्रवेश कुमार पौडेल र झापा बिर्तामोड नगरपालिका-५ घर भएका २७ वर्षीय युवराज सुवेदी रहेका छन् ।

प्रहरी वृत्त गौशलाबाट खटिएको प्रहरीले प्रदेश ३-०१-०२२ च १९७२ नम्बरको कारमा सवार उनीहरूलाई स्रोत नखुलेको नगदसहित पक्राउ गरेको हो ।