संगालोखबर 
विराटनगर । नेपाल टेलिकमले प्रिपेड तथा पोष्टपेड मोबाइलमा रिचार्ज गर्दा बोनसको सुविधा उपलब्ध गराएको छ । रिचार्ज अथवा विद्युतीय माध्यमबाट टपअप गर्दा भ्वाइस तथा डेटा बोनसका रूपमा उपलब्ध हुने टेलिकमले जनाएको हो ।
५० देखि ९९ रुपैयाँ रिचार्ज गर्दा तीन दिन मान्य हुने २० मिनेट भ्वाइस कल बोनस पाइने छ । यो एनटिसी नेटवर्कभित्र मात्रै मान्य हुनेछ । टेलिकमका अनुसार १०० देखि १९९ रुपैयाँ रिचार्ज गर्दा तीन दिन मान्य हुने ५० मिनेट भ्वाइस बोनस उपलब्ध गराइने छ ।
Advertisement
यस्तै २०० देखि ४९९ रुपैयाँ रिचार्ज गर्दा एक दिनमा एक जीबी खर्च गर्नेगरी दुई दिनका लागि दुई जीबी डेटा उपलब्ध हुनेछ । ५०० रुपैयाँभन्दा माथिको रिचार्ज गर्दा दिनमा दुई जीबी खर्च गर्न पाउनेगरी चार दिनका लागि आठ जीबी डेटा उपलब्ध हुने टेलिकमले जनाएको छ ।
प्रिपेड मोबाइल प्रयोगकर्ताहरूका लागि नमस्ते सापटीको सुविधा समेत उपलब्ध गराएको छ । जसका लागि स्टार्ट (Start) टाइप गरी १४७७ मा मेसेज पठाएर अथवा *१४७७# डायल गरी १ छनौट गरेर सापटी लिन सकिने व्यवस्था टेलिकमले गरेको छ ।
हिजोदेखि सुरु भएको यो सुविधा आगामी पुस १७ गतेसम्मका लागि लागू हुनेछ ।
