एनपीएल : आजको पहिलो खेलमा सुदूरपश्चिम र विराटनगर भिड्ने

विराटनगर । नेपाल प्रिमियर लिग (एनपीएल) मा आज पनि दुई खेल हुँदैछन् । किर्तिपुरस्थित त्रिवि क्रिकेट मैदानमा सुदूरपश्चिम रोयल्स र विराटनगर किंग्सबीच पहिलो खेल हुनेछ । खेल बिहान ९ः१५ मा सुरु हुनेछ ।

सुदूरपश्चिको यो पहिलो खेल हो भने विराटनगरको दोस्रो खेल हो । विराटनगर पहिलो खेलमा जनकपुर बोल्ट्ससँग आठ विकेटले पराजित भएको थियो । यस्तै आजको दोस्रो खेलमा चितवन राइनोज र पोखरा एभेन्जर्सबीच हुनेछ ।

यो खेल दिउँसो १ः१५ बजेदेखि सुरु हुनेछ । चितवनको यो दोस्रो खेल हो । चितवनले पहिलो खेलमा काठमान्डु गुर्खाजलाई पाँच विकेटको पराजित गरेको थियो । पोखराको यो पहिलो खेल हो ।