सुनको मूल्य घट्यो

विराटनगर । आज पनि सुनको मूल्य घटेको छ । आज सुनको मूल्य तोलामा एक हजार दुई सय रुपैयाँले घटेको हो  । आज सुन तोलामा एक लाख ४९ हजार तीन सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

हिजो सुनको मूल्य तोलामा एक लाख ५० हजार पाँच सय रुपैयाँ कायम भएको थियो । आज चाँदीको मूल्य पनि घटेको छ । आज चाँदीको मूल्य तोलामा २५ रुपैयाँले घटेको छ ।

Advertisement

आज चाँदी तोलामा एक हजार आठ सय १५ रुपैयाँमा कारोबार भइरहेको महासङ्घले जनाएको छ । हिजो चाँदी तोलामा एक हजार आठ सय ४० रुपैयाँमा कारोबार भएको थियो ।