सुनचाँदीको मूल्य बढ्यो, तोलामा कति पुग्यो ?

विराटनगर । आज सुनको मूल्य बढेको छ । दुई दिनमा १८ हजार पाँच सय रुपैयाँले घटेको सुनको मूल्य आज तोलामा नौ सय बढेको हो ।

नेपाल सुनचाँदी व्यवसायी महासङ्घका अनुसार आज सुनको मूल्य तोलामा एक लाख ४९ हजार छ सय रुपैयाँ कायम भएको छ । हिजो तोलामा दुई हजार छ सय रुपैयाँ घटेर सुन एक लाख ४८ हजार सात सय रुपैयाँ कायम भएको थियो ।

अस्ति एकै दिन १५ हजार नौ सय रुपैयाँ घटेको सुन तोलामा एक लाख ५१ हजार तीन सय रुपैयाँमा कारोबार भएको थियो । आज चाँदीको मूल्य पनि बढेको छ ।

आज तोलामा १० रुपैयाँ बढेर चाँदी एक हजार आठ सय ३० रुपैयाँमा कारोबार भइरहेको छ । हिजो चाँदी एक हजार आठ सय २० रुपैयाँमा कारोबार भएको थियो । अस्ति चाँदी एक हजार आठ सय ४५ रुपैयाँमा कारोबार भएको थियो ।