सुनको मूल्य दुई दिनमा १८ हजार पाँच सय घट्यो

विराटनगर । आज पनि सुनको मूल्यमा गिरावट भएको छ । आज सुनको मूल्य तोलामा दुई हजार छ सय रुपैयाँ घटेको छ । हिजो सुनको मूल्य तोलामा १५ हजार नौ सय रुपैयाँले घटेको थियो ।

नेपाल सुनचाँदी व्यवसायी महासङ्घका अनुसार आज सुनको मूल्य तोलामा एक लाख ४८ हजार सात सय रुपैयाँ कायम भएको छ । हिजो सुन प्रतितोला एक लाख ५१ हजार तीन सय रुपैयाँमा कारोबार भएको थियो । आज चाँदीको मूल्य पनि घटेको छ ।

हिजो प्रतितोला एक हजार आठ सय ४५ रुपैयाँमा कारोबार भएको चाँदी आज प्रतितोला एक हजार आठ सय २० रुपैयाँमा कारोबार भइरहेको छ । सरकारले सुनमा लाग्ने कर घटाएसँगै सुनको मूल्यमा गिरावट आएको हो । अन्तर्राष्ट्रिय बजारमा पनि सुनको मूल्य घटेको छ ।