सेयर बजार बढ्यो, कारोबार रकम घट्यो

विराटनगर । आज सेयर बजार परिसूचक नेप्से बढेको छ । आज नेप्से १५.८३ अङ्कले बढेर दुई हजार ६ सय ८३ दशमलव २४ विन्दुमा पुगेको छ । आज नेप्से बढे पनि कारोबार रकममा भने घटेको छ ।

आज तीन सय नौ वटा कम्पनीको एक करोड २२ लाख कित्ता सेयर ६ अर्ब ३४ करोड रुपैयाँमा किनबेच भएको छ । हिजो सात अर्ब ७२ करोडको सेयर कारोबार भएको थियो ।

आज उत्पादन र म्युचुअल फन्ड बाहेक सबै समूहको सेयर बढेकोमा विकास बैंक, फाइनान्स, होटल, बीमा समूहको सेयर उच्च अङ्कले उकालो लागेको छ ।

यस्तै वेस्ट फाइनान्स, सुपर मादी हाइड्रोपावर, कर्पोरेट विकास बैंक, स्वाभिमान लघुवित्त र सप्तकोसी विकास बैंकको सेयर नौ प्रतिशतभन्दा धेरैले बढेको छ । समग्रमा बजार बढेको दिन ङादी ग्रुप पावर कम्पनीको सेयर भने १० प्रतिशतले घटेको छ ।