रवि लामिछानेलाई थप १५ दिन हिरासतमा राख्न अदालतको अनुमति

विराटनगर । राष्ट्रिय स्वतन्त्र पार्टी (रास्वपा)का सभापति रवि लामिछानेलाई थप १५ दिन हिरासतमा राख्न अदालतले अनुमति दिएको छ । आज कास्की जिल्ला अदालतका न्यायाधीश हिमलाल बेलबासेको इजलासले लामिछानेलाई थप १५ दिन हिरासतमा राख्न अनुमति दिएको हो । 

यसअघि उनीमाथि कात्तिक २५ गते १३ दिन म्याद थप भएको थियो । यो सहित लामिछानेमाथि अनुसन्धानका लागि पाचौँ पटक म्याद थप भएको छ । 

Advertisement

लामिछानेमाथि जिल्ला प्रहरी कार्यालय कास्कीले सहकारी बचत अपचलन, सङ्गठित अपराध र सम्पत्ति शुद्धिकरण कसुरमा अनुसन्धान गरिरहेको छ ।