आज पनि बढ्यो सुनको मूल्य, कति पुग्यो तोलामा ?

विराटनगर । आज पनि सुनको मूल्य बढेको छ । आज सुन तोलामा एक हजार एक सय रुपैयाँले बढेको हो । आज सुन तोलामा एक लाख ६२ हजार एक सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

हिजो तोलामा एक हजार बढेर सुन तोलामा एक लाख ६१ हजार रुपैयाँमा कारोबार भएको थियो । आइतबार सुन तोलामा एक लाख ६० हजार रुपैयाँमा कारोबार भएको थियो । यस्तै आज चाँदीको मूल्य पनि बढेको छ ।

Advertisement

महासङ्घका अनुसार चाँदी तोलामा ३५ रुपैयाँले बढेर एक हजार नौ सय ५५ रुपैयाँमा कारोबार भइरहेको छ । हिजो चाँदी एक हजार नौ सय २० रुपैयाँमा कारोबार भएको थियो ।