संगालोखबर 
विराटनगर । अमेरिकाको मेरिल्यान्डमा एकजना नेपाली मृत भेटिएका छन् । पर्वत घर भई अमेरिकाको मेरिल्याण्ड राज्यमा बस्दै आएका ४७ वर्षीय शान्तलाल प्रधान मृत भेटिएका हुन् । गत अगस्ट २७ मा उनी मृत फेला परेको त्यहाँका सञ्चार माध्यमले जनाएका छन् ।
Advertisement
शिक्षक रहेका प्रधान सन् २०१५ मा अमेरिका पुगेका थिए । प्रधानका पत्नीका साथै एक छोरी र एक छोरा छन् । उनको शव नेपाल फर्काउने तयारी गरिएको जनाइएको छ । उनको मृत्युको कारण अहिलेसम्म नखुलेको आफन्तले बताएका छन् ।
यसअघि अमेरिकाको ह्युष्टनमा २१ वर्षीया नेपाली विद्यार्थी मुना पाण्डेको हत्या भएको थियो । पाण्डेमाथि गोली हानी हत्या गरेको आरोपमा ५१ वर्षीय बबीसिंह शाह पक्राउ परेका छन्।
मुना भोजपुरकी स्थायी बासिन्दा हुन् । पाण्डे सन् २०२१ मा अध्ययनका लागि अमेरिका गएकी थिइन् ।
