संगालोखबर 
विराटनगर । कोशी प्रदेश सरकारले भोलि शुक्रबार प्रदेशभरि सार्वजनिक बिदा दिने निर्णय गरेको छ । आज बसेको मन्त्रिपरिषद् बैठकले बिदा दिने निर्णय गरेको हो । आन्तरिक मामिला तथा कानुन मन्त्रालयका अनुसार आदिवासी दिवसको अवसरमा प्रदेशभरि सार्वजनिक बिदा दिइएको हो ।
Advertisement
अन्तर्राष्ट्रिय आदिवासी दिवसलाई उत्सवका रुपमा मनाउन प्रदेशका सबै सरकारी कार्यालय, स्थानीय तह, सार्वजनिक संस्थान, प्रतिष्ठान र शैक्षिक संस्थामा बिदा दिने निर्णय भएको जनाइएको छ ।
यसअघि प्रदेशको क्यालेन्डरमै आदिवासी जनजाति दिवसमा बिदा दिने उल्लेख थियो । यो वर्ष भने उक्त बिदा क्यालेण्डरबाट हटाइएकामा मन्त्रिपरिषद्ले बिदा दिने निर्णय गरेको हो ।
सङ्घीय सरकारले तोकेको अतिरिक्त प्रदेश सरकारले थप ६ वटा बिदा दिने पाउने व्यवस्था छ । संयुक्त राष्ट्रसङ्घले सन् १९९४ को अगस्ट ९ मा विश्व आदिवासी दिवस मनाउने घोषणा गरेको थियो ।
