काठमाडौँ । ओखलढुङ्गाका एक युवकको काठमाडौँमा हत्या भएको छ । प्रहरीका अनुसार काठमाडौँ महानगरपालिका–७ स्थित कालोपुलमा २० वर्षीय प्रेम महत दर्जीको हत्या भएको हो ।
Advertisement
प्रहरीका अनुसार उनी ओखलढुङ्गाको मानेभन्ज्याङ गाउँपालिका–९ माधवपुरका बासिन्दा हुन् । केही समयदेखि कालोपुलस्थित दयालक्ष्मी महर्जनको घरमा उनी डेरा लिएर बस्दै आएका थिए ।
घटनामा संलग्न रहेको आशङ्कामा अनुसन्धानको लागि २४ वर्षीया उषा नेपाली र २७ वर्षीय मदन रम्तेललाई पक्राउ गरिएको जिल्ला प्रहरी परिसर काठमाडौँका एसपी नवराज अधिकारीले बताए ।
युवकको हत्यामा संलग्न भएको आशङ्कामा दुईजनालाई पक्राउ गरिएको एसपी अधिकारीले जानकारी दिए । चोट लागेको र झुण्डिएको अवस्थामा भेटिएको दर्जीको शव पोष्टमार्टमका लागि त्रिवि शिक्षण अस्पतालमा पठाइएको प्रहरीले जनाएको छ ।
