तोलामा हजार रुपैयाँले बढ्यो सुनको मूल्य

विराटनगर । स्थानीय बजारमा सुनको मूल्य प्रतितोला एक हजार रुपैयाँले वृद्धि भएको छ । नेपाल सुनचाँदी व्यवसायी महासंघका अनुसार शुक्रबार प्रतितोला एक लाख ४४ हजार ४०० रुपैयाँमा कारोबार भएको छापावाला सुन आजका लागि एक लाख ४५ हजार ४०० निर्धारण भएको छ ।

शुक्रबार प्रतितोला रु एक लाख ४३ हजार सात सयमा कारोबार भएको तेजाबी सुन आजका लागि भने एक लाख ४४ हजार सात सय निर्धारण भएको छ ।

यस्तै, चाँदीको मूल्य तोलामा २० रुपैयाँले वृद्धि भएको छ । शुक्रबार प्रतितोला रु एक हजार ८७० मा कारोबार भएको चाँदी आजका लागि एक हजार ८९० निर्धारण भएको महासंघले जनाएको छ ।