एसईईको नतिजा सार्वजनिकः ४७.८६ प्रतिशत विद्यार्थी उत्तीर्ण

विराटनगर । राष्ट्रिय परीक्षा बोर्ड, परीक्षा नियन्त्रण कार्यालयले माध्यामिक शिक्षा परीक्षा (एसईई) को नतिजा सार्वजनिक गरेको छ । परीक्षा दिएकामध्ये ४७.८६ प्रतिशत विद्यार्थीमात्रै उत्तीर्ण भएका छन् । कार्यालयका अनुसार परीक्षामा सहभागी भएका ४ लाख ४४ हजार ७८५ जना विद्यार्थीमध्ये २ लाख ४२ हजार ९२ जना विद्यार्थीले मात्रै कक्षा ११ मा पढ्न पाउने भएका हुन् ।

Advertisement

उत्तीर्ण भएकामध्ये ४ जीपीए ल्याउनेको संख्या १८६ मात्र छ । परीक्षामा सहभागी भएकामध्ये ५२.१४ प्रतिशत परीक्षार्थीले ‘ननग्रेड’ (एनजी) ल्याएका छन् । यसपालिको एसईई परीक्षा १५ चैतदेखि २७ चैतसम्म भएको थियो ।