विराटनगर । आफन्तको बिहेमा सहभागी हुन विराटनगर आएका सुनसरीको दुहबीका २३ वर्षीय अक्लेशकुमार यादवको हत्याका आरोपी युवक पक्राउ परेका छन् । हत्यामा संलग्न भनिएका विराटनगर–४ का २४ वर्षीय गणेश यादव सुनसरीको लौकहीमा पक्राउ परेका हुन् ।
Advertisement
विराटनगर–४ मा ठूलीआमाकी छोरीको बिहेमा सहभागी हुन आएका अक्लेशलाई छुरा प्रहार गरी गणेश फरार बनेका थिए । प्रहरीका अनुसार उनलाई आज दिउँसो पक्राउ गरिएको हो ।
सामान्य विवादका क्रममा गणेशले बुधवार राति अक्लेशमाथि छुरा प्रहार गरेको प्रहरीको भनाइ छ । बायाँ कोखामा चोट लागेको अवस्थामा नोवेल शिक्षण अस्पतालमा उपचार हुँदै गर्दा उनको मृत्यु भएको थियो ।
