धनकुटा । बाँदरले बाली खाने र नष्ट गर्ने क्रम बढेपछि धनकुटाको महालक्ष्मी–७ जितपुरका किसानहरुको सहभागितामा वनमै बाँदर रोक्ने उद्देश्यले फलफूलजन्य बिरुवा रोपिएको छ ।
बाँदरले किसानले खेतबारीमा लगाएका खेतीवाली नष्ट गर्न थालेपछि जीतपुरका किसानले शर्मादेवी सामुदायिक वनमा फलफूलजन्य बिरुवा रोपेका हुन् ।
Advertisement
जंगलमा फलफूलजन्य बोटबिरुवा भए किसानको बारीसम्म बाँदर नआइपुग्ने भएकाले दुई हजार विरुवा रोपिएको सबडिभिजन वन कार्यालय जीतपुरकी फरेष्टर आयुष्मा गहतराजले बताइन् ।
बाँदरले किसानले लगाएका बालीनाली नष्ट गरी सधैं समस्या पार्ने भएकाले शर्मादेवी सामुदायिक वन उपभोक्ता समूहका सदस्यहरुको सहभागितामा वनमा अमला, बडहर, जामुन, कास्मिरी जामुन, अम्बक, चिउरी लगायतका बिरुवा रोपिएको छ ।
